Italia planifikon të dërgojë rreth 60 000 vullnetarë në rrugë për t’u thënë njerëzve që të vazhdojnë të respektojnë rregullat në fazën pas bllokadës së vendit.
Skema, e shpallur nga ministri i Çështjeve Rajonale, Francesco Boccia, paraqet shqetësimin në rritje që njerëzit do të mblidhen me njëri-tjetrin në plazhe, bare dhe sheshe.
”Vullnetarët nuk do të jenë në rolin e policit, por shpërndarës së sjelljes së mirë”, tha kryetari i bashkisë së Barit, Antonio Decaro.
Boccia theksoi se ata do të quhen “asistentë qytetarë” dhe do të veshin jelekë blu.
”Ata do të jenë ‘të armatosur’ me forcën e bindjes, arsyes dhe buzëqeshjeve të tyre”, theksoi ai.
Edhe Kryeministri Italian Giuseppe Conte pas pakënaqësive nga disa guvernatorë rajonalë mbi kompetencat e vullnetarëve, tha se ata nuk do të jenë përgjegjës për shërbimin publik dhe aktiviteti i tyre nuk do të jetë ai i forcave të policisë.
Italia pësoi humbje shkatërrimtare nga koronavirusi, kur epidemia arriti kulmin në fund të marsit, dhe pas disa javësh infeksionesh në rënie, bllokada e vendit përfundoi në mënyrë efektive më 18 maj.
