Masa të reja shtënguese ka vendosur Ankaraja zyrtarë në tentativë për të frenuar përhapjen e infeksionit të koronavirusit.
Duke filluar nga sot në Stamboll dhe Ankara mbajtja e maskës bëhet e detyrueshme pas rritjes së rasteve të regjistruara në ditët e fundit, me rihapjen e vendit në fazën e tretë të pandemisë, me infeksione ditore që janë rikthyer në shifrat e mbi 1000, si në pikun e kurbës së Covid.
Komiteti Shkencor Turk ka vendosur të zgjasë detyrimin për të veshur maska në të gjitha hapësirat publike, të mbyllura dhe të hapura qofshin, siç janë parqet e qyteteve, duke e shtrirë masën edhe në Stamboll dhe Ankara, më të populluarat në vend, si dhe në Bursa.
Me vendimin e fundit, numri i provincave që do ti nënshtrohen këtij detyrimi rritet në 42, nga 81 në total. Për personat që shkelin urdhëresën e Komitetit Shkencor parashikohen gjoba
Turqia konfirmoi më shumë se 1400 raste të reja dhe 19 viktima nga koronavirusi në 24 orët e fundit, për një total të prekurish prej rreth 182.727 dhe 4.861 viktima
