INDONEZI- Të paktën 832 njerëz kanë humbur jetën dhe më shumë se 500 të tjerë kanë mbetur të plagosur nga cunami pas tërmetit që ka tronditur ishullin indonezian të Sulawesit.
Ndërkohë ekipet e shpëtimit kanë filluar punën për gjetjen e të mbijetuarve në kryeqytetin e Palusë por përpjekjet e kërkimit po pengohen nga rrugët e bllokuara dhe nga urët e shembura.
Kryqi i Kuq vlerëson se më shumë se 1.6 milionë njerëz janë prekur nga tërmeti dhe cunami.
Kjo tashmë është një tragjedi, por mund të bëhet shumë më keq.
Kryqi i Kuq
Dy tërmetet e rënë në vend ishin të magnitutës 6.1 dhe 7.5 ballë, ndërsa vala e cunamit shkoi deri në 6 metra.
Energjia elektrike, uji dhe telekomunikacioni janë të gjitha jashtë funksionit, ndërkohë që edhe spitalet janë shkatërruar plotësisht.
Komente
