Ministri i Jashtëm serb, Ivica Daçiç në përfundim të seancës për Kosovën në Kombet e Bashkuara i është afruar nga pas ambasadores së Kosovës në SHBA, Vlora Çitaku e cila bashkë me delegacionin që e shoqëronte po bisedonte me përfaqësuesit e Britanisë dhe Shteteve të Bashkuara.
“Pavarësia e Kosovës nuk është produkt i një lëvizjeje secesioniste. Pavarësia e saj është produkt i dekolonizimit”, u shpreh ambasadorja Çitaku.
“Për çfarë kolonizimi e ke fjalën? Kolonizatorët janë ata me të cilët je ulur”, tha Daçiç.
Ambasadorja Çitaku teksa ishte ulur me përfaqësuesit e Britanisë dhe Shteteve të Bashkuara, tha për Zërin e Amerikës se ministri i Jashtëm i Serbisë Ivica Daçiç ndërpreu bisedën duke përsëritur ofendime të herë pas hershme.
“Unë isha e ulur me shpinë dhe (Ministri i Jashtëm serb) Ivica Dacic filloi të flasë pas meje me zë të lartë. Duke u munduar te me denigrojë mua personalisht si dhe Ambasadoren (Teuta) Sahatqija, e posaçërisht miqtë tanë nderkombetarë, zoti Daçiç sillej në selinë e Kombeve te Bashkuara sikur të ishte në kafene”, sqaroi Çitaku.
Komente
Nuk do mend moj zonja Vlora kjo pune espse pas Dacicit qendron Vladimir Putinovoci
Përgjigju