Ish-mbrojtësi i Barcelonës, PSG-së, Juventusit dhe kapiteni i Brazilit, Dani Alvesh është pas hekurave për ngacmim seksual.
Për arrestimin e Alvesh foli sot në konferencë për shtyp edhe trajneri i Bracelonës, Xavi Hernandez. Në vigjilje të takimit që do të luajë nesër Barcelona përballë Getafe-s, Hernandes hoqi fokusin nga dueli për thënë dy fjalë për ish-kolegun e tij.
“E kam të vështirë të komentoj një situatë të tillë. Jam i surprizuar dhe i shokuar. Drejtësia do të bëjë punën e vet prandaj ne s’mund të futemi në këto argument. Ndihem shumë keq për Dani-n", tha Xavi.
Sipas policisë, Dani Alves është ndaluar pasi kundër tij janë ngritur akuza për ngacmim seksual nga një grua natën e 30 dhjetorit 2022 në ambientet e diskotekës “Sutton” në Barcelonë. Për këtë akuzë ligjet e shtetit spanjoll parashikojnë deri në 12 vite heqje lirie.
Komente
