Sot në "Esencë" pianistja Rudina Ciko na rrëfeu mes emocionesh jetën personale dhe profesionale. E rritur mes një biblioteke të madhe dhe mes tingujve të pianos që në fëmijëri. Ajo kujtoi fillesat e lidhjes së saj me instrumentin e pianos, që i ndryshoi gjithë pjesën tjetër të jetës.
"Pianoja më qetëson mendërisht, është antistres"-shprehet ajo për instrumentin që i ka kushtuar jetën.
Të ndash skenën dhe jetën me bashkëshortin për Rudina Cikon është një moment që ajo e konsideron fatlum. Rudina dhe Zhani Ciko janë çifti fisnik dhe elegant që i japin njëri-tjetrit dhe publikut emocionet e artit që ndajnë bashkë.
Një prej emocioneve që për artistët jetohen njëherë në jetë, Rudina kujton edhe ndjekjen nga afër të koncertit të Vjenës. Dy video mesazhe surprizë erdhën për Rudinën nga mikeshat dhe koleget e saj, pianistja Laura Kushta dhe sopranoja Mariana Leka.
