KURBIN- Pavarësisht ndëshkimeve që ka pasur ditën e fundit, dasmat nuk janë ndalur në vendin tonë! Ditën e sotme është gjobitur një tjetër lokal në të cilin po zhvillohej një dasmë në në Fushë Milot.
Gjoba është 1 mln lekë, për arsye se është hera e parë që po kryen këtë shkelje, në rast përsëritje ajo shumëfishohet deri në mbyllje të aktivitetit.
"Policia e Kurbinit ka ndëshkuar me 1 milion lekë gjobë, administratorin e një lokali në Fushë-Milot, pasi u konstatua duke ushtruar aktivitet në kundërshtim me Aktin Normativ.
Shërbimet e Komisariatit Kurbin, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar 1 restorant dasmash në Fushë Milot që ushtronte aktivitet duke organizuar dasma në kundërshtim me Aktin Normativ, duke mos respektuar kufizimin e përcaktuar nga Policia e Shtetit. Për këtë subjekt, me administrator shtetasin B.Gj. 44 vjeç ,shërbimet e Policisë kanë vendosur masë administrative 1.000.000 lekë.
Policia e Lezhës apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19", njofton policia.
Komente
Martohuni kerceni hani pini dhe gezohuni
Përgjigju