Minuta Zero në Report Tv diskutoi edhe këtë mbrëmje për Euro 2024. Të dielën në orën 21:00 në Berlin luhet finalja mes Spanjës dhe Anglisë, duel që pritet me interes.
Së bashku me Andi Kapxhiun dhe Ogerta Spahiun, në studio ishte i ftuar edhe Andra Marko. Specialisti i futbollit është një tifoz i Anglisë dhe tregoi se në futboll fiton ai që ka më shumë fat.
"Anglia në finale? E parashikuam. Është hera e dytë dhe shpresoj që të fitojë Anglia. Nga gjysmëfinalistet vetëm Anglia nuk e ka fituar një trofe në Europian. Në futboll fiton ai që luan më mirë ose ai që ka fat.
Finale mes dy botëve të ndryshme në futboll? Luajnë dy mbretëri, që kanë këtë të përbashkët në përfaqësi. Spanja vjen me gjashtë fitore jo rastësore, ka bërë një lojë të bukur dhe ka eliminuar Gjermaninë dhe Francën. Spanja bukurinë e ka te lojtarët dhe loja. Trajneri i njeh lojtarët, i ka pasur te moshat. Ka një modesti sesi lexon dhe bën ndërrime. Ka krijuar një lloj harmonie në grup.
Besoj që ne (tifoz me Anglinë) do e mundim Spanjën. Anglia ka pragmatizëm, është e konfiguruar në këtë mënyrë që të krijojë probleme. Ka shumë arsye pse fitohet një ndeshje.
Penalltia për Anglinë? Është tjetër gjë ta luash futbollin në fushë dhe tjetër gjë ta shohësh me ngadalësim. Ndërhyrja është për faull, prekja e Saka me dorë nuk u mor në konsideratë.
Rinovimi i Southgate? Për mua duhet të qëndrojë, i është ofruar rinovimi", tha Marko.
Komente
Te dielen Spanja do ta shkrij Angline.Nuk e kuptoj pse specialistet,mendojne qe do fitoje Anglia?E kuptoj tifozin,qe thote fiton Anglia,por jo specialistin,sepse kur sheh lojen e Anglise,duhe fik televizori,ndeshje te dobta,pa tactice fare,luaj kot m'kot.Po kur thone i ka ardhe koha me e mor kupen Anglia?Spanja 3-0 England.
Përgjigju