Presidenti i Napoli, Aurelio De Laurentiis, ka deklaruar se nuk do ta blejë Mauro Icardi-n. Presidenti italian ka mohuar interesimin për argjentinasin, ndërsa ka bërë vetëm një koment për James Rodriguez dhe Lozano-n: ‘Të shohim’.
Jemi vetëm në fillimin e merkatos së verës dhe çdo fjalë mund të përcillet si një mesazh nga presidenti i Napolit që ka qenë i qartë për Interin: “Nuk do ta blej Mauro Icardi-n”. I pyetur nga një gazetar presidenti italian (skuadra e të cilit thuhet se është në garë për të blerë argjentinasin së bashku me Juventusin dhe Atletico Madridi-n) ka mohuar mundësinë e blerjes së numrit 9, që mbi të gjitha duket se nuk do të largohet nga zikaltërit.
Një mundësi ishte që Mauro të shkëmbehej me Insigne, por ky i fundit një javë më parë ka deklaruar se dëshiron të qëndrojë te Napoli, duke lënë kështu opsionin e vëtëm që të paguhej 60 apo 70 mln euro.
Ndryshe nga pista Icardi, De Laurentiis ka lënë gjithçka të hapur përsa i përket dy futbollistëve të tjerë për të cilët interesohet Napoli, James Rodriguez dhe Lozano. Fjala e përdorur nga presidenti: ‘të shohim’, ka bërë me krahë tifozët e klubit të kaltër.
Për kolumbianin kërkesa e Real Madrid është 40 mln euro por marrëveshja mund të arrihet duke përdorur formulën e huazimit me të drejtë blerje. Sigurisht që duhet të negociohet edhe me lojtarin, të cilit mund t’i ofrohet një pagë 6 mln euro në sezon dhe jo më shumë. Mbetet për t’u parë por numri 10 është konsideruar si lojtari kyç i kësaj vere nga Anchelotti.
Në fund, vlera e Lozano-s është 40 mln euro, e vënë nga PSV Eindhoven. Napoli deri më tani ka rënë dakord me futbollistin për 2.5 mln euro në sezon.
Komente
