TIRANE-Delegacioni i Komisionit të Venecias do të zbarkojë në Shqipëri në 13-14 shkurt pas kërkesës së Kuvendit lidhur me debatet për emërimin e anëtarëve të Gjykatës Kushtetuese. Ndërkohë që sot kreu i shtetit njofton se i është drejtuar edhe ai këtij institucioni shkeljet ligjore që sipas tij ka bërë Kuvendi me zgjedhjet e dy anëtarëve të Gjykatës Kushtetuese.
"Venecia gjithmonë e mirëpritur. Sot Presidenti Meta i është drejtuar zyrtarisht Komisionit të Venecias lidhur me shkeljet kushtetuese dhe ligjore që ka bërë Kuvendi me zgjedhjet e dy anëtarëve të Gjykatës Kushtetuese. Nesër do të publikohen në faqen zyrtare të Kreut të Shtetit, kërkesa e Presidentit Meta për Komisionin e Venecias dhe pyetjet konkrete drejtuar atij".
Pak muaj më parë pati një debat të fortë mes Presidentit dhe opozitës nga njëra anë dhe KED-së me shumicën nga krahu tjetër për emërimin e anëtarëve të gjykatës Kushtetuese. Cështja përfundoi në SPAK, pasi kallëzimit të Presidentit për kreun e KED-së, Ardian Dvorani.
Ndërkohë që Komisioni Hetimor për Ilir Metën për dekretin e 30 Qershorit për anulimin e zgjedhjeve zgjeroi objektin e hetimit duke përfshirë edhe cështjet e debatit për emërimin e anëtarëve të Kushtetueses duke akuzuar kreun e shtetit për shkelje.
Komisioni Hetimor përmes Kuvendit iu drejtua Komisionit të Venecias për interpretim përmes 5 pyetjeve. Komisioni i Venecias pranoi kërkesën dhe konfirmoi praninë në Tiranë në mes të shkurtit, ndërsa sot iu drejtua edhe Ilir Meta po për të njëjtën cështje por me arsyetim tjetër.
Komente
Ty te cofshin Tufine o bajge
Përgjigju