Kryeministri i Izraelit, Benjamin Netanyahu, ka mirëpritur vendimin e dëbimit të dy diplomatëve iranian nga Shqipëria, mes të cilëve edhe ambasadorin e këtij shteti, Gholamhossein Mohammadnia, pas dyshimeve se ishin përfshirë në sulm kundër izraelitëve gjatë ndeshjes së futbollit (Lexo këtu). Në një postim në Twitter, zyra e shtypit e kryeministrit izraelit pohon se kreu i qeverisë shqiptare Edi Rama i dha një mesazh të qartë regjimit islamik radikal iranian, që komplotoi sulme terroriste në Shqipëri.
Lajm i rëndësishëm nga Shqipëria sot. Kryeministri Edi Rama ka dëbuar ambasadorin Iranian në Tiranë. Me këtë veprim Rama u ka dërguar një mesazh të qartë regjimit islamik radikal Iranian – që komplotimi i sulmeve terroriste ka kosto. Izraeli qëndron përkrah Shqipërisë dhe çdo shteti që e sheh regjimin Iranian ashtu siç është: Rreziku më i madh për paqe dhe siguri në botë.
Kryeministri i Izraelit, Benjamin Netanyahu
Shqipëria dëboi ambasadorin e Iranit në Tiranë, Gholamhossein Mohammadnia si dhe një zyrtar tjetër tjetër të ambasadës, pasi dyshohet se janë përfshirë në aktivitete që cenojnë sigurinë në vend. Ky vendim i qeverisë shqiptare u mirëprit nga SHBA. Vetë presidenti Trump u shpreh se vendosmëria e treguar nga Rama është shembull i përpjekjeve të përbashkëta për t’i treguar qeverisë iraniane se veprimet e saj terroriste në Evropë dhe përreth botës do të kenë pasoja të rënda (Lexo këtu).
I pari që reagoi pas vendimit të Shqipërisë ishte John Bolton, këshilltari për sigurinë i presidentit amerikan Donald Trump. Ndërsa deklaratë e fortë ishte ajo e Sekretarit amerikan të Shtetit, Mike Pompeo i cili duke përgëzuar vendimin e kryeministrit Edi Rama (Lexo këtu). Kjo ishte hera e dytë që Shqipëria merr një vendim kaq të rëndësishëm për nga interesi i politikës së jashtme. Disa muaj më parë Tirana zyrtare dëboi dy diplomatë rusë.
Komente
