Ekipi i Donald Trump po shikon planet për të deportuar emigrantët e paligjshëm në Ruanda, raporton 'The Sun'.
Skema u hartua nga qeveria e kaluar britanike konservatore, por u hoq nga Sir Keir Starmer kur ai u bë kryeministër. Aleatët e Trump thanë se ekipi i tij po shqyrton deportimin e emigrantëve të paligjshëm në një numër vendesh, përfshirë edhe Ruandën.
Një burim pranë kampit të Donald Trump tha se ekipi i tij është duke shqyrtuar skemën e Ruandës.
“Trump bëri fushatë me një premtim për të goditur imigracionin e paligjshëm dhe ai është i vendosur t’i përmbahet atij. Ekipi i tij po shikon skemën e Ruandës. Ai po shqyrton deportimin e emigrantëve të paligjshëm në Ruanda dhe vende të tjera, në mënyrë që ata të mos mund të qëndrojnë në tokën amerikane', tha burimi.
Trump u shpall fitues i zgjedhjeve presidenciale në SHBA duke premtuar se do të godiste emigracionin e paligjshëm në Amerikë.
Ai akuzoi Joe Biden dhe demokratët se mjerisht dështuan në mbrojtjen e kufijve të Amerikës. Kriza e emigrantëve ka arritur kulme të reja në Amerikë vitet e fundit.
Komente
Se ç’kam nje parandjenje se do perfundojne ne Shqiperi. Do behemi vend latino-amerikan se republike bananesh jemi qe tani.
Përgjigju