Kryetari i Partisë Demokratike Lulzim Basha nuk ishte në ceremoninë e stërvitjes ushtarake “Defender 21” në Tiranë edhe pse kishte marrë ftesë nga ambasadorja e SHBA, Yuri Kim.
Zëri i Amerikës shkruan se kryediplomatja kishte kërkuar që në ceremoninë e sotme të ftoheshin Presidenti i Republikës Ilir Meta dhe Kryetari i Partisë Demokratike. Basha nuk ishte në këtë ceremoni, ndërsa presidenti Meta mori pjesë dhe mbajti një fjalë përshëndetëse.
Ky refuzim i ftesën nga ana e Lulzim Bashës, vjen pak ditë pasi Shtetet e Bashkuara të Amerikës shpallën “non grata” Sali Berishën si dhe familjen e tij.
Pas vendimit të DASH, Basha reagoi duke mbështetur qëndrimin e ish-kryeministrit Sali Berisha se vendimi ishte marrë pa asnjë bazë konkrete, duke bërë thirrje që të bëhet transaparecë e plotë mbi çdo fakt e dokument.
Basha tha në reagimin e tij para disa ditësh se Berisha është "udhëheqësi shqiptar që i ka dhënë kontributin më të çmuar për zhvillimin e vendit".
Por po ashtu, Basha nënvizoi se vendimi i DAHS vendim nuk do të cenojë marrëdhënien "e shkëlqyer" të Partisë Demokratike me Shtetet e Bashkuara të Amerikës.
Komente
Nese Basha bojkoton nje aktivitet ku e ftojne ambasadorja e SHBA aq na ben, ky akt tregon se eshte pjelle politike e Berishes. Tregon ne fakt tjeter qe jo rrale jane akuzuar nga PS qe jane prosllave
PërgjigjuNuk e le babi Saliu, dihet qe Luli nuk benasgje pa urdher, eshte kukull si dhe bashke hajdut...
PërgjigjuBasha eshte ne pozite te veshtire se rruge te mesme nuk kishte .O me Saliun qe i ka borxhe per karieren dhe proceset gjygjsore o me USA .Amerikanet jane superfuqi dhe veprojne si fjala ; Kur vjen nje dute.Basha me mos pjesmarrjen sfido vetem dhe do mari kusuret si mentori i tij.
Përgjigju