Në ambientin e fakultetit të Drejtësisë ndër studentët që mbajnë të bllokuar ende nisjen e mësimit në mënyrë të rregullt, ka persona të paautorizuar dhe persona që nuk janë fare studentë.
Kështu deklaroi sot dekani i Fakultetit të Drejtësisë, Artan Hoxha në një prononcim për Agjencinë Telegrafike Shqiptare pas takimit që Rektori i Universitetit të Tiranës Mynyr Koni zhvilloi në këtë fakultet pas kërkesës së studentëve të cilët kërkojnë zhbllokimin e situatës dhe fillimin e mësimit.
“Edhe keqkuptimet duhen evituar sepse kemi kaq kohë që po mundohemi orar e pa orar për të bërë të mundur hapjen e objektit, pavarësisht nesh, sepse ne e kishim kërkuar edhe më përpara, i kërkuam Rektorit që të shikonte situatën sesi është. Ajo që mua më shqetëson është fakti që në ambientin e Fakultetit të Drejtësisë janë persona të paautorizuar për të qenë. Përveç studentëve tanë ka edhe student të fakulteteve dhe universiteteve të tjera, ka edhe persona që nuk janë farë student”, deklaroi Dekani.
Ai shpjegoi se në momentin që tentohet të vendoset dialogut me studentët tanë, ky dialog ndërpritet sepse ndërhyn grupi tjetër.
“Kur vihet një dialog me studentët tanë, ndërhyjnë këta të tjerët dhe dialogu ndërpritet”, tha ai.
Hoxha tha se shpreson në dhënien e zgjidhjes për situatën e krijuar nga Rektori.”Rektori duke qenë autoritetin mbi atë të fakultetit, po shpresojmë që të marrë përsipër edhe ata që nuk janë studentët tanë në dialogun e tij me studentët”. Lexo.al
Komente
U cua nga kafja gaz demit ky dekani bllokut
PërgjigjuKy eshte shkaterruesi i Universitetit se bashku me Dhori Cuken
PërgjigjuGjithe mbeshtetjen per Dekanin, per stafin dhe per studentet e Juridikut. Si mund t'ju zihet dera te zotve te Fakultetit?! Studentet e ketij fakulteti, qe duan te protestojne, t'ju vihet ne dispozicion nje mjedis ne funksion te numrit. Te huajt t'ju kerkohet miresisht largimi, ne te kundert te shoqerohen ne rajon. Fakulteti nuk eshte han. Studentet, qe duan te vijone mesimin, te mos kete kurajon njeri ti pengoje. Familjet paguajn per ta.
Përgjigjume nje shkres zyrtare kerkoni nderhyerjen e policis ... mos boni bla ba kot
PërgjigjuJane naziskinet e Mamurrasit dhe lristat e haremit veror të Jales
Përgjigju