Gjatë vizitës së sotme në Tiranë, ministri i jashtëm grek i ka vendosur një kusht homologut shqiptar Ditmir Bushati në ludhje me çështjen çame.
Kotzias i ka thënë Bushatit se nëse kjo çështje shtrohet gjatë bisedimeve dypalëshe mes shteteve, ai do të ngrihet nga tryeza dhe do t’i lërë negocimet.
Ndaj një qëndrimi të tillë, ka reaguar kryetari i partisë çame PDIU, Shpëtim Idrizi, që ka kujtuar se në fakt, ai që duhet të ngrohet nga tavolina ëhstë Ditmir Bushati, për sa kohë Greqia është ligjërisht në luftë me Shqipërinë.
Idrizi kujtoi se çështja çame nuk është çështje dëshirash, por një detyrim ligjor për shtetin shqiptar.
Reagim i kryetarit të PDIU-së Shpëtim Idrizi për takimin Bushati-Kotizas
Në takimin që është zhvilluar mes ministrave të jashtëm të Shqipërisë dhe Greqisë, në tavolinën e diskutimeve, sipas mediave, Kotzias ka kërkuar që të mos përmendet Çamëria në të kundërt ai do të çohet nga tavolina. Nëse ky lajm është i vërtete po ju kujtoj, që çështja Çamë është dhe mbështetet me dokumenta detyruese dhe jo çështje dëshirash për shtetin Shqiptar.
Çështja e shqiptarëve të Çamërisë mbështetet mbi ligjin e Parlamentit të Shqipërisë të vitit 1994, që e njeh 27 qershorin si ditën e genocidit mbi shqiptarët e Çamërisë dhe Rezoluta për çështjen Çame.
Partia Drejtësi, Integrim dhe Unitet është për dialog dhe për zgjidhje në tavolinë, por po të ishte për të çuar nga tavolina, duhej të çohej Bushati, që për sa kohë Greqia nuk ka hequr ligjin e luftës me Shqipërinë, duhej të mos ulej në tavolinë me një vend që mban në fuqi ligjin e luftës me Shqipërinë.