Raportuesi për Shqipërinë në grupin e PPE-së (grupi i partive të djathta) në Parlamentin Europian David Lega paralajmëron qeverinë shqiptare një ditë para rrëzimit të dekretit të Presidentit në seancën plenare nëse paketa anti-shpifje nuk pëson ndryshimet e kërkuara.
"Po përsëris qëndrimin tim mbi rrezikun që mbartin ligjet e reja për median në lidhje me çeljen e mundshme të negociatave me BE. Grupi PPE i Parlamentit Europian beson fort në çeljen e negociatave të anëtarësimit me Shqipërinë. Por Shqipëria duhet të respektojë kriteret e Kopenhagenit që janë një standard bazik e minimal për një vend kandidat.
Nëse qeveria Rama do të miratojë ligjet në formën aktuale atëherë ajo po vë në rrezik serioz shansin për çeljen e negociatave të anëtarsisë në BE. Qeveria Rama duhet patjetër të përmbushë rekomandimet specifike të dhëna nga Komisioni Europian dhe nga Këshilli i Europës" thuhet në postimin e tij në rrjetet sociale.
Postimi i David Legas
Pak javë më parë David Lega shkruante se Partia Demokratike e Shqipërisë ka mbështetje në rezistencën e saj kundër këtij projekt-ligji. Qeveria e miratoi paketën në seancën e fundit të dhjetorit, Presidenti e ktheu për shqyrtim, por komisionet e rrëzuan dhe një gjë të tillë pritet që të bëjë edhe Kuvendi nesër. (lexo ketu rendin e dites). 
Rendi i dites neser ne Kuved/ Pika 5 dhe 6 e rendit te dites per paketen anti-shpifje
Komente
