Kryeministri Edi Rama është pyetur nga gazetarët, në bashkëbisedimin e fundit për këtë vit, edhe për hezitimin e presidentit Ilir Meta për të dekretuar kreun e ri të SHISH, Helidon Bendo.
Rama u shpreh se Meta ka të gjithë kohën e nevojshme për t’u menduar. “Presidenti le të mendohet, ka 4 vjet kohë të mendohet po të dojë”, tha Rama.
Në një emision televiziv mbrëmjen e kaluar, presidenti u shpreh se ende nuk ka vendosur të dekretojë Helidon Bendon si pasues të Visho Ajazi Likës në krye të SHISH. Nga ana tjetër, kreu i shtetit ka dekretuar tashmë emërimin e Likës si ambasador të Shqipërisë në NATO.
Redaksia Online
l.q/Shqiptarja.com
