TIRANË- Ministrja e Shtetit për Marrëdhënie me Parlamentin Elisa Spiropali e ka cilësuar dekretimin e Marsida Xhaferllarit nga presidenti Meta për Kushtetuese, një dekretim kundër ligjit. "Një gjykatëse mbrapa e liste", shprehet Spiropali, sipas së cilës, ku vendim i marrë nge kreu i shtetit, është një tregues se ai është renditur kundër Shteteve të Bashkuara të Amerikës dhe Bashkimit Europian.
"Edhe njëherë Ilir Meta iu kundërvu Reformës në Drejtësi dhe Shteteve të Bashkuara e Bashkimit Europian, duke dekretuar kundër ligjit dhe kundër qëndrimit të tyre, me zero legjitimitet kushtetues e ligjor, një gjykatëse mbrapa liste. Edhe njëherë kundërvënia brutale e Ilir Metës ndaj prioritetit themelor të vendit, drejtësisë, na bën të ndjehemi keq për Presidentin e Republikës. Edhe njëherë, Ilir Meta dha një shembull spektakolar për ta kuptuar kush ende nuk e ka kuptuar, se Reforma në Drejtësi ndan thellë e qartë shumicën qeverisëse dhe parlamentin e vendit, nga fronti i atyre që me në krye Ilir Metën, i bashkon kundër nesh Frika nga Drejtesia", shkruan Spiropali.
Presidenti Ilir Meta ka dekretuar ditën e sotme Marsida Xhaferllarin anëtare të Gjykatës Kushtetuese duke e futur në ngërç krijimin dhe ngritjen e këtij institucioni. Kreu i shtetit me vendimin e sotëm ka dekretuar gjyqtaren e dytë për të njëjtin vend që ishte vakant.
Postimi i plotë i Elisa Spiropalit
Komente
Ilir meta e vërteta po shikon se dita po i përfundon e direkt në burg përfundon. E monikën shoqëris do ja lej që monika shum ti pëlqej e hajdarin ta shkëlqej.
Përgjigju