ITALI-Ish-kryeministri italian, Silvio Berlusconi ka lënë këtë të hënë spitalin, pas ndërhyrjes së bërë për ngatërrim të zorrëve. Në fjalën e tij përpara gazetarëve, 82-vjeçari është shprehur se tani është më i fortë fizikisht, ndonëse e pranon se ka pasur shumë frikë se mos "ky do të ishte fundi".
"Jam mirë, do të bëj fushatë elektorale. Kam pasur shumë frikë. Shumë gjëra që kanë ndodhur kohët e fundit më kanë bërë të mendoj që kam arritur në fund të rrethit, në fakt kam pasur një kthesë mahnitëse", tha Berlusconi.
Duke u ndalur te politika, Berluskoi tha se do të vijojë fushatën, duke theksuar se objektivi i "Forza Italia" është ajo e të gjeturit një mazhorancë të re.
“Kam premtuar që do kurohem, do bëj fushatë elektorale dy javët e fundit para votimit, kështu mund të vendosem në kontakt me italianët dhe për t’i bërë të kuptoj rreth situatës ku jemi. Një situatë e një shqetësimi të gjerë. Objektivi im është të gjejmë një mazhorancë të re", tha ai.
Ish- kryeministri italian u shtrua në spital të martën e 30 prillit.
Komente
