37-vjeçari Florant Zyfi nga Devolli prej 7 muajve rezulton i humbur. Ai u largua nga shtëpia më 13 korrik duke i thënë familjes se do bënte një xhiro me biçikletë dhe do kthehej, por nuk rezultoi ashtu. Pas 24 orëve familja nisi kërkimet, ndërsa biçikleta e tij u gjet në fshatin Sinic, një fshat në kufi me shtetin grek. 37-vjeçari e kishte lënë biçikletën në një banëse të fshatit, ku pronari i saj u ka thënë familjarëve se Floranti do e merrte pas dy ditëve, por nuk ishte bërë i gjallë. Ai nuk kishte komunikuar asgjë më shumë me zotërinë ku la biçikletën, vetëm se do largohej dhe duhej të siguronte mjetin e tij. Gjithashtu familjarët mësuan nga disa çobanë të zonës e kishin takuar Florantin, baba i dy fëmijëve, në zonën e Nestorjas, një fshat grek shumë pranë kufirit shqiptar.
Këto të dhënë të lënë të dyshosh se ai mund të ketë kaluar kufirin grek ilegalisht që në fund të vitit 2019, pasi nuk ishte hera e parë për 37-vjeçarin që udhëtonte në tokën helene. Gjendja e 37-vjeçarit ishte rënduar kohët e fundit, pasi mjekohej me medikamente për depresionin. Ne momentin që është larguar ka pasur me vete telefonin, që pas 24-orëve kur humbi gjurmët rezultoi i fikur. Me vete gjithashtu ka pasur të gjitha dokumentet dhe kartën e llogarisë bankare. Por deri me sot, nuk ka rezultuar të jetë bërë asnjë tërheqje parash.
Kushdo që ka ndonjë informacion apo e ka parë Florant Zyfin mund të na kontaktoni në të gjitha format tona të kontaktit:
2 numrat tanë të kontaktit:
Në cel: 069 99 55 698 si dhe në aplikacionet: ËhatsApp dhe Viber
Në tel: 0444 17 778
Në adresën tonë në facebook: Pa Gjurmë Report TV
Në kanalin tonë në Youtube: Pa gjurmë Channel
Çdo ditë në ekranin e Report Tv, ora 17: 00 dhe të enjten ora 20: 55
