Delegacione nga SHBA dhe Rusia do të takohen në Stamboll të enjten (nesër, 10 prill), si pjesë e përpjekjeve për të normalizuar marrëdhëniet mes dy vendeve, por Ukraina nuk është temë diskutimi.
Kjo u konfirmua dhe nga Departamenti Amerikan i Shtetit.
Bisedimet, të cilat do të zhvillohen në konsullatën ruse në qytetin e turk, nuk do të përfshijnë asnjë diskutim për çështje politike apo të sigurisë, thanë SHBA.
"Ukraina nuk është, në rendin e ditës", tha zëdhënësja e Departamentit të Shtetit, Tammy Bruce.
Delegacioni rus do të udhëhiqet nga ambasadori i sapoemëruar në SHBA, Aleksandër Darçiev, ndërsa ekipi amerikan nga zëvendësndihmës sekretarja e shtetit, Sonata Coulter.
Takimi vjen në një kohë kur Rusia ka dhënë sinjale të forta refuzimi sa i takon pranimit të marrëveshjes së armëpushimit të pjesshëm në Detin e Zi, për të cilin SHBA arriti marrëveshje të veçuara me Ukrainën dhe Rusinë.
Komente
