SHBA dhe Rusia diskutuan në Uashington marrëveshjen e armëpushimit të pjesshëm në detin e zi në konfliktin me Ukrainën. I dërguari special i Presidentit Putin, Kirill Dmitriev u takua me disa anëtarë të administratës Trump në Uashington.
Po shohim një dinamikë pozitive në marrëdhëniet tona, tha Dmitriev për mediat ruse.
"Do të duhen ende takime të tjera për të qenë në gjendje të zgjidhim të gjitha mosmarrëveshjet tona. Procesi i dialogut do të marrë kohë", paralajmëroi ai, "por po përparon në një mënyrë pozitive dhe konstruktive".
Në axhendën e diplomatit rus ishte i përfshirë një takim me të dërguarin e posaçëm të Trump për Ukrainën, Steve Uitkoff dhe disa zyrtarë të tjerë.
Sulmet në Ukrainë ndërkohë vijojnë. Pas ofensivës ruse rajoni I Kharkivit u godit më rëndë, ku u shënuan 3 të vdekur dhe 30 të plagosur.
Komente
