Rusia ndërmori një seri sulmesh me raketa mbi kryeqytetin e Ukrainës, Kiev, duke lënë pas dy të vrarë e dhjetëra të plagosur. Bombardimet e orëve të fundit shkaktuan një valë të madhe tymi e flakësh mbi Kiev, ndërsa raketat prekën edhe ambasadën shqiptare.
Zëdhënësi i Departamentit të Shtetit të Shteteve të Bashkuara, Mattheë Miller në një postim në rrjetin e tij social ‘X’ shprehet se SHBA dënon sulmin me raketa të Rusisë ndaj Kievit që vrau një civil dhe dëmtoi ambasadën e Shqipërisë në Ukrainë.
“Shtetet e Bashkuara dënojnë sulmin me raketa të Rusisë ndaj Kievit sot që vrau një civil dhe dëmtoi një ndërtesë ku priten disa misione diplomatike, duke përfshirë objektet e partnerëve tanë Shqipërinë, Argjentinën, Çekinë, Malin e Zi, Maqedoninë e Veriut dhe Portugalinë”, shkruan ai.
Sulmet me raketa ruse dëmtuan ditën e djeshme (20 dhjetor) Ambasadën shqiptare në Kiev. Si pasojë e sulmit nuk ka të lënduar, ndërsa raketat dëmtuan edhe godinat e ambasadave të tjera, mes tyre atë të Malit të Zi dhe Maqedonisë së Veriut. Ministria e Jashtme e Shqipërisë dënoi ashpër këto sulme, duke i cilësuar si një akt të papranueshëm që godet themelet e diplomacisë ndërkombëtare.
The United States condemns Russia's missile attack on Kyiv today that killed a civilian and damaged a building hosting several diplomatic missions, including the facilities of our partners Albania, Argentina, Czechia, Montenegro, North Macedonia, and Portugal.
— Matthew Miller (@StateDeptSpox) December 20, 2024
Komente
