Dy mbrojtësit e Kombëtares, Berat Gjimshiti dhe Ardian Ismajli janë dëmtuar këtë të shtunë dhe kanë dalë nga fusha në ndeshjet respektive të Serie A.
Empoli dhe Leçe përballen së bashku, teksa pas vetëm 21 minutave Ardian Ismajli ka lënë fushën i zëvendësuar nga De Sciglio. Vendasit kanë parë sesi lojtari më i mirë që kanë në dispozicion të mos ia dalë në këtë përballje që është shumë e rëndësishme për ta. Ky lëndim për Ismajlin vjen në një kohë kur shumë klube janë pas tij dhe pritej që këtë afat kalimtar të bënte një lëvizje domethënëse në karrierë.
Në Udine, Atalanta luan në udhëtim. Për miqtë i pafat Berat Gjimshiti. Kapiteni i Kombëtares la fushën i lënduar pas 25 minutave lojë. Një përplajse me Kingsley Ehizibue bëri që loja të ndërpritej dhe pas pak çastesh qendërmbrojtësi të linte fushën e lojës pas goditjes në kokë. Dhjetë qepje mbi syrin e djathtë për kapitenin e Kombëtares që u përplas ashpër.
Më njoftimin e klubit zikaltër thuhet: “Analizat e kryera në spitalin e Udines konfirmuan se futbollisti ka pësuar një dëmtim në kokë në një përplasje së bashku me një plagë, të çarë, te vetulla e djathtë që kërkonte 10 qepje, po kthehet me skuadrën në Bergamo”.
Çudi dhe alarm për dy mbrojtësit e Kombëtares që për rastësi dalin nga fusha pak a shumë në një kohë dhe në ndeshje të ndryshme.
Berat Gjimshiti doli pas 25 minutave në ndeshjen që Atalanta e tij barazoi 0-0 në Udine. Dhjetë qepje mbi syrin e djathtë për kapitenin e Kombëtares që u përplas ashpër me Ehizibue.
Buletini mjekësor i Atalantës për gjendjen e Gjimshitit shpjegon mirë pse Gasperini, menjëherë pas ndeshjes tha se ishte i shqetësuar për gjendjen e lojtarit.
Më njoftimin e klubit zikaltër thuhet: “Analizat e kryera në spitalin e Udines konfirmuan se futbollisti ka pësuar një dëmtim në kokë në një përplasje së bashku me një plagë, të çarë, te vetulla e djathtë që kërkonte 10 qepje, po kthehet me skuadrën në Bergamo”.
Pritet që Berati të mungojë për ndeshjen e së martës kundër Juventusit.
Komente
