ELBASAN- Argjinatura në përroin e Zaranikës është dëmtuar sërish, duke nxjerr në pah punimet pa cilësi të vitit kaluar. Sa herë ka reshje shiu niveli i ujit në përroin e Zaranikës rritet, ndaj banorët ndihen të kërcënuar nga përmbytjet.
"Unë jam banor i vjetër këtu. këtu e kam shtëpinë. Kjo Zaranikë ka qenë përrua pa shtresë betoni. Këto punimet që janë bë vitet e fundit janë pa cilësi. Bëjnë 100 apo 200 metra dhe e lënë përgjysmë".
"Zaranika është e rrezikshme, ka pasur raste që uji ka dalë në qytet. Është shemb disa here argjinatura atje poshtë".
"Punimet janë bërë para dy vitesh dhe u prishën sot. Të investosh me zgara e me hekura e të përmbyset gjithçka?! Kështu ndodh këtu!", -thanë banorët e Elbasanit.
Bashkia e Elbasanit e kontaktuar nga Report tv tha se kërkohen 3.5 milionë euro për rehabilitimin total të përroit të Zaranikës, me gjatësi prej 5.2 km. Projektin, thanë zyrtarët vendore e kemi dërguar në Ministrinë e Bujqësisë.
Ndërsa me fondet e saj, ka parashikuar 26 milionë lek për riparimin e çarjeve të argjinaturës. Këto ndërhyrje mund të ulin rrezikun gjatë dimrit.
Komente
Bashkia ta mbaje fort me dore se ngelen tu prit leke nga qendrorja.
Përgjigju