Marine Le Pen u dënua me 4 vite burg për keqpërdorimin e fondeve të Bashkimit Europian dhe i është ndaluar një kandidim pesëvjeçar në zgjedhje.
Për pedagogen Falma Fshazi, e cila ishte sot në një lidhje skype nga Franca në emisionin ‘Studio Live’, në Report Tv me gazetarin Arbër Hitaj, dënimi i Le Pen nuk është poltikë. Ajo tha se gjykata ka fakte dhe prova se ajo ka abuzuar me fondet europiane.
‘Është një fakt i vërtetuar nga drejtësia franceze që ka shpërdoruar fondet europiane dhe është një fakt që gjykata e ka vërtetuar dhe as Le Pen se mohon që ka lëvruar një shumë të tillë, dhe kjo shumë është përdorur për qëllime të tjera. Argumenti publik i saj ka qenë ca problemi ka nëse i kam çuar tek partia ime në Francë nuk kam pasur përfitim personal nuk kam blerë shtëpi dhe s’kam blerë prona. Janë 5 milionë euro që janë devijuar dhe për këtë nuk ka asnjë dyshim’, tha ajo.
Fshazi tha se nuk ka asnjë bazë për ta konsideruar vendim poltikë, pasi gjyqtarët në Francë nuk gabojnë në vendimmarrje.
‘Nuk e di me ca baza një vendim i drejtësisë mund të konsiderohet politikë në një demokraci të konsoliduar si është Franca. Sistemi Francës është sistem i pagabuar është në drejtësi ku gjyqtarët kalojnë një proces dhe edukim shumë të fortë dhe s’ka asnjë dyshim që gjyqtari që ka marr një çështje të mos ketë formimin e duhur për të bërë një vendimmarrje dhe as opinioni publik se ka këtë dyshim. Pretendimet e Le Pen dhe atyre që mendojnë se është dënim poltikë nuk kanë baza se është vendim politikë. Nuk mund të akuzohet drejtësia franceze për një vendimmarrje politike’, tha ajo.
E pyetur se nëse mund të ketë protesta qytetare lidhur me këtë dënim, Fshazi tha jo. Ajo tha reagimi i Le Pen dhe i partisë së saj ka qenë i ashpër, ndërsa gjyqtarët janë marr në mbrojtje.
‘Po ka pasur reagime nga Mateo Salvini tek Viktor Orban, Le Pen është krahasuar edhe Ekrem Imamoglu, nuk ka pasur asnjë reagim qytetar në rrugët e Francës kur është dhënë dënimi nga gjykata përveç reagime të mediave. Reagimi i Le Pen dhe forcës së saj ka qenë i ashpër sa sot ka 3 gjyqtar dhe prokuror që janë marr në mbrojtje nga policia. Është dënuar Sarkozi dhe nuk ka pasur asnjë reagim nga ana e tij ndaj drejtësisë dhe kjo nuk ka ndodhur asnjëherë më parë.
Gjyqtarët janë marr në mbrojtje për procese që kanë lidhje me terrorin dhe terrorizimin jo për politikanët, pse disa gjyqtarë duhet që ata të mbrohen nga policia, sepse kanë marr një vendim për një politikan francezë vendime që drejtësia në Francë nuk po i bënë për herë të parë. Nuk ka asnjë gjë sensasionale kjo është bërë e madhe për shkak të reagimit të Le Pen dhe partisë së saj. Po duan që ta bëjnë Le Pen si një viktimë dhe ti largohen fakteve 5 milionë eurove të devijuara të Brukselit’, tha ajo.
Komente
