Ish presidenti i Gjeorgjisë, Mikheil Saakashvili është dënuar me 4 vite e gjysmë burg për kalim të paligjshëm të kufirit, përveç dënimit të tij ekzistues për akuzat për shpërdorim të pushtetit dhe përvetësim, raporton Reuters. Saakashvili e cilësoi dënimin si politik dhe të padrejtë për krime që ai nuk i ka kryer.
Në detyrë nga viti 2004 deri në vitin 2013, Saakashvili u dënua javën e kaluar për përvetësim të 9 milionë lekëve gjeorgjiane (3.3 milionë dollarë) për shpenzime që prokurorët i quajtën shpenzime "luksoze".
Saakashvili po kryen tashmë edhe një dënim 6 vjeçar për shpërdorim të pushtetit. Ai ka kaluar një pjesë të madhe të dënimit në një spital burgu.
Sipas vendimit, Saakashvili, i cili është i burgosur që nga viti 2021 me akuza që ai thotë se janë të motivuara politikisht, do të jetë në burg deri në vitin 2034 pasi dënimet do të ekzekutohen njëkohësisht.
Ai është gjithashtu në gjyq për një goditje ndaj protestuesve në 2007.
Pas largimit nga zyra presidenciale, Saakashvili u zhvendos në Ukrainë, ku shërbeu për një kohë të shkurtër si guvernator i rajonit të Odesës. Ai u kthye në vitin 2021, pavarësisht se ishte dënuar në mungesë për shpërdorim detyre.
Komente
