Një grup prej 96 deputetësh ndërpartiakë i ka bërë thirrje qeverisë britanike të sjellë pa vonesë fëmijët e sëmurë dhe të plagosur nga Gaza në Mbretërinë e Bashkuar për trajtim mjekësor emergjent, për shkak të rrezikut të menjëhershëm për jetën e tyre.
Sipas BBC në një letër drejtuar ministrave të Shëndetësisë, Punëve të Jashtme dhe të Brendshme, deputetët theksojnë se infrastruktura jetike në Gaza është “shkatërruar”, ndërsa mungesa e ushqimit, ujit dhe medikamenteve ka krijuar një katastrofë humanitare dhe mjekësore me përmasa të tmerrshme.
Ata kërkuan heqjen e të gjitha procedurave, përfshirë procedurat biometrike, dhe propozuan që evakuimi të bëhet mbi bazën e domosdoshmërisë klinike, pa u ndikuar nga interesa politike apo financiare.
Ata bëjnë thirrje që fëmijët dhe familjet e tyre të kenë mundësinë të kërkojnë azil ose të zhvendosen në Mbretërinë e Bashkuar pasi të përfundojë trajtimi.
Një zëdhënës i qeverisë britanike tha se një taskforcë ndërpartiake po punon për zbatimin e planit të evakuimit dhe se fëmijët që kërkojnë kujdes emergjent do të mund të dërgohen në Britani për trajtim të specializuar.
Megjithatë, nuk është dhënë ende një numër i saktë i fëmijëve që do të evakuohen. Vlerësimet flasin për disa qindra raste.
Komente
