Deputeti demokrat, Agron Shehaj, ka sulmuar biznesmenët e mëdhenj në vend, duke i cilësuar ata si të ‘hurit e të litarit’. Referuar valës së protestave për taksën në Rrugën e Kombit, ligjvënësi i djathtë shkruan në ‘Facebook’ se biznesmenët duhet të ulin kokën e të heshtin dhe jo të bëhen me pushtetin kundër të varfërve.
"Një komplot i Kastës kundër Popullit. U bënë te gjithë bashkë, me kuç e me maç, biznesmenët e mëdhenj u vunë sot në krah te Gjyqtarëve, Ministrave, Politikanëve të korruptuar. Meskinët dhe servilët u bashkuan nën flamurin me sorrë të grabitjes kombëtare. Ky është Kapitalizëm parazit dhe provincial. Nëpërmjet tij biznesmenët e tenderave, lejeve të ndërtimit, koncesioneve sulmojnë protestuesit.
Pothuajse asnjë prej tyre nuk prodhon një produkt apo një shërbim në treg të lirë dhe transparent. Këta kapitaliste, të hurit e të litarit, në vënd që të ulin kokën dhe të heshtin, bëhen me pushtetin kundër të varfërve. Dihet pse: pronat që mbrojnë tani janë ato që kanë vjedhur dje me korrupsion, forcë dhe servilizëm politik!"
Agron Shehaj, deputet i PD
(Postimi i deputetit Agron Shehaj)