Përfaqësuesi Shqiptar ne Parlamentin e Serbisë, Shaip Kamberi ka thënë se në raportin e Departamentit Amerikan të Shtetit goditet ashpër Serbia për diskriminimin sistematik shtetëror e institucional ndaj shqiptarëve të Luginës së Preshevës.
Kamberi ka deklaruar se në Raportin për Serbinë, në seksionin me titull “Dhuna dhe Diskriminimi Sistemik Racor apo Etnik” (faqe 30-32), dënohen veprimet e Serbisë për diskriminimin sistematik shtetëror e institucional që bën ndaj shqiptarëve të Luginës së Preshevës ndër vite.Deputeti shqiptar në Parlamentin e Serbisë, Shaip Kamberi, ka thënë se Departamenti Amerikan i Shtetit në Raportin për Praktikat e të Drejtave të Njeriut për vitin 2022, ka potencuar diskriminimin etnik të shqiptarëve.
'Shqiptarët etnikë ishin subjekt i diskriminimit dhe papunësisë… Qeveria padrejtësisht i bëri shqiptarët subjekt të pasivizimit për të zvogëluar numrin e shqiptarëve etnikë që jetojnë në Serbi’, thekson Raporti i DASH.
‘Aplikimi i këtij ligji për të targetuar shqiptarët nënkupton spastrim etnik përmes masave administrative’, siç është potencuar edhe në raportin e Komisionit të Helsinkit të Serbisë, vazhdon tutje Raporti, duke potencuar se ‘autoritetet serbe duhet ndaluar të gjitha praktikat diskriminuese ndaj minoriteteve etnike’, përfshirë këtu edhe “gjuhën fyese e të urrejtjes,” kryesisht të përdorur publikisht nga zyrtarët shtetëror serb sikurse shefi i Shërbimit serb të inteligjencës (BIA) A. Vulin”, ka shkruar deputeti në Facebook.
Tutje, Kamberi ka thënë se raporti i DASH-it nënvizon edhe çështjen e nënpërfaqësimit të shqiptarëve nëpër institucionet publike e shtetërore, që është forma më e vrazhdë e diskriminimit dhe mosrespektimit të obligimeve ndaj komunitetit shqiptar.
Komente
Me mire ta zgjidhin vete kete pune pa nderhyrje nga jashte sepse te huajt ne vend qe ti zgjidhin konfliktet i agravojne me shume ato per interesat e tyre gjeopolitike
Përgjigju