Derbi më i zjarrtë në basketbollin e Serbisë mes skuadrave të Partizanit të Beogradit dhe Crvena Zvezdës ka përfunduar me një përleshje mes basketbollistëve të dy ekipeve.
Partizani fitoi duelin me rezultatin 92-81 në derbin e raundit të 21-të të ABA Ligës. Ndeshja u shënua nga një përleshje mes lojtarëve të dy skuadrave menjëherë pas ndeshjes së luajtur në Beograd.
Pas sirenës finale, lojtari i Partizanit të Beogradit Mathias Lessort, u përplas fizikisht me Filip Petrusev, rivalin me të cilin pati një përleshje të ashpër gjatë gjithë ndeshjes.
U desh ndërhyrja e basketbollistëve të tjerë dhe stafeve që gjendja mos agravonte më tej. Në Pallatin e Sportit të mbushur, situata u qetësua dhe tifozët nuk u përplasën mes tyre.
S.DH/ReportTv.al
![](https://www.report-tv.al/template/img/antipiracynote.jpg)