Historia e Kendras është një ndër më frymëzueset për personat që nuk kanë një nivel të ngritur jetese dhe e kanë humbur vetëbesimin.
Shtatzënë dhe me burrin pa punë, Kendra Scott duhej të gjente një mënyrë për të jetuar dhe kaluar vështirësitë.
Teksa rrinte shtrirë në shtëpinë e saj, në Austin të Teksasit, duke pritur të afronte dita për lindjen e fëmijës së parë, Kendra nisi të vizatonte modele stolish.
Gjithçka filloi në vitin 2002, kur ajo ishte 28 vjeçe dhe kishte vetëm 500 dollarë mënjanë, me të cilat duhej të provonte të hapte një biznes.
Pas lindjes, ajo vendosi të dalë bashkë me djalin në krahë dyqan më dyqan, për të shitur vathë e stoli të tjera.
“Pasi krijova koleksionin e parë, lidha djalin pas vetes me mbajtëse trupi dhe i futa stolitë në një kuti çaji. Shkuam dyqan më dyqan, nëpër butikët e Austinit, për të shitur stolitë. I shita të gjitha që ditën e parë. Aty u bëra me biznes”, tha Scott.
Kompania e Scott sot vlen 1 miliard dollarë dhe pasuria e saj është rreth 500 milionë.
Tashmë në moshën 44-vjecare, ajo është në listën e grave më të pasura në Amerikë.
Për vitin 2017, ajo ishte në vendin e 36-të, më lart nga Taylor Swift apo Beyonce.
Kendra me djalin
Komente
