TIRANË- Në kushtet kur 1/3 e popullsisë sipas institucioneve ndërkombëtare jeton me më pak se 5.5 dollarë dita, mbështetje thelbësore për ata mbeten emigrantët, të cilët edhe pse pandemi nuk i kanë ndalur dërgesat e tyre.
Sipas të dhënave të Bankës së Shqipërisë në vitin 2021, remitancat arritën në nivelin më të lartë prej vitit 2009.
Konkretisht në vitin e kaluar emigrantët iu kanë dërguar të afërmeve të tyre 761 milionë euro, duke kapërcyer edhe dërgesat e viteve të kaluara. Në raport me vitin 2020, remitancat janë rritur me 87 milionë euro.
Sipas ekspertëve por edhe Bankës së Shqipërisë kjo rritje e dërgesave valutore nuk lidhet vetëm me rikuperimin e aktivitetit ekonomik nëpër shtetet e Evropës por edhe me përdorimin e kanaleve formale për të dërguar paratë, pra nëpërmjet transfertave.
Praktikisht kufizimet e shteteve nxitën emigrantët si sjellin paratë në rrugë zyrtare më së shumti gjatë vitit 2020, por edhe gjatë vitit 2021 edhe pse në nivel më të ulët sipas Bankës së Shqipërisë.
Nga ana tjetër ndikim në rritjen e remitancave ka edhe shtimi i numrit të emigrantëve kryesisht të rinj të arsimuar, ndërsa paratë për familjet në Shqipëri vijnë më shumë nga Italia apo Greqia ku ka edhe më shumë shtetas shqiptar.
Remitancat nga emigrantët
Viti 2008 834 mln euro
Viti 2009 782 mln euro
Viti 2010 696 mln euro
Viti 2011 669 mln euro
Viti 2012 680 mln euro
Viti 2013 548 mln euro
Viti 2014 594 mln euro
Viti 2015 599 mln euro
Viti 2016 616 mln euro
Viti 2017 637 mln euro
Viti 2018 671 mln euro
Viti 2019 703 mln euro
Viti 2020 674 mln euro
Viti 2021 761 mln euro
Komente
Po cfare emigrantesh. Jan sakrifica e cunave neper shptepit e barit dhe kokaines, qe kan mbushur burgjet e evropes. As nje mundesi per ti invesuar nuk i jepni per te zhvilluar ekonomine po i beni beton me pallate e vila qe vetem xhepat tuaj mbushin, sepse sh shpejt germadha do ngelen...
PërgjigjuTe rrojne emigrantet qe e mbajne ekonomine shqiptare ne kembe.
PërgjigjuEmigrantevthome. Diaspore ore car lesh emigrantesh. Per para kemi me shume se ato te qelburat e kalben atje. Jemi ne qe e mbajm ne kembe sistemin e pensioneve jo Rama me pilindrickat e tij. Skeni turp. Dhe as te drejte vote nuk kemi, as deputet sic ka Kroati, asgje.
Përgjigju