Seanca ndaj grupit të Habilajve është shtyrë për të tretën herë dhe shkak për këtë është bërë mosnjoftimi me letër porosi të katër anëtarëve.
Siç raporton gazetari i Report Tv, Arsen Rusta, nuk është njoftuar Moisi Habilaj, Nazer Seiti, Fatmir Mina dhe Meridian Sulaj. Ata ndodhen në burg në Itali, dhe sipas Gjykatës letër-porosia e dërguar nga ministria e Drejtësisë shqiptare nuk është kthyer me përgjigje nëse kanë dijeni ose jo.
I vetmi që u paraqit në këtë seancë ishte Armando Koçerri, i cili është në burg në Shqipëri. Ai sërish kërkoi që kjo seancë të mos zhvillohej në praninë e mediave, kërkesë e cila është pranuar nga Gjykata, me argumentin se pamjet filmike ndikojnë negativisht tek vajza e tij e mitur.
Kjo është hera e tretë që shtyhet procesi ndaj grupit, ku këtë herë munguan edhe avokatët mbrojtës të Moisi Habilaj. Seanca e radhës do të zhvillohet me 10 korrik.
Komente
Po kush band esht kjo shullazi ne vlore??
Përgjigju