Policia në vendngjarje dhe ekspertët gjatë hetimit
Nga hetimet e deritanishme dhe dinamika e atentatit të sotëm që ndodhi në Shkodër, me bilanc 3 të vrarë dhe 1 të plagosur, zbulohet se edhe viktima më e fundit, Arlind Bushati dyshohet se ka mundur të qëllojë me armën që ka pasur me vete.
Nga këqyrja e kryer prej grupit të ekspertëve, mësohet se janë gjetur gëzhoja që përputhem ne armën e tij, një nga 3 pistoletat e gjetura në mjetin “Benz”.
Hamza Licit arma i është gjetur te këmbët, ndërsa arma e tretë në kroskot të makinës. Atentatorët pasi kanë lëshuar breshëri plumbash, u arratisën me “Range Rover”, që e dogjën më tej në Grudë, bashkë me 2 armët automatike.
Policia tha se në mjetin e dy viktimave që udhëtonin së bashku, u gjetën 3 armë tip pistoletë.
Lajmi kryesor:
Atentat në Shkodër me 3 të vrarë e 1 të plagosur! Vritet vëllai i Ibrahim Licit dhe djali i Xhemal Bushatit! Vdes qytetarja e pafajshme, rëndë bashkëshorti i saj! Gjendet 'Range Rover' i djegur me dy automatikë
A.Q/ReportTv.al
