Devoll- Një aksident me pasojë vdekjen ka ndodhur paraditen e sotme (1 qershor) në Devoll.
Ngjarja ka ndodhur rreth orës 11:10, në hyrje të qytetit Bilishtit. Viktima është identifikuar si Besim Stena, kurse shoferi i dyshuar Besart Kyçyku, drejtuesi i mjetit.
Sipas policisë vendore, motomjeti me drejtues viktimën 67 vjeç, është përplasur me automjetin me drejtues 25-vjeçarin.
“Si pasojë e përplasjes ka ndërruar jetë drejtuesi i motomjetit, shtetasi B. S. Kurse drejtuesi i automjetit, B.K., është shoqëruar në Komisariat, për veprime të mëtejshme”, bëri me dije policia vendore, pas hetimeve paraprake të ngjarjes së rëndë.
Gazetari i Report Tv, Armand Braho, informon se grupi hetimor po punon për sqarimin e rrethanave të aksidentit dhe dinamikës.
Komente
