Një i moshuar ka humbur në Devoll prej një jave, ndërsa familjarët apelojnë për ndihmë në gjetjen e tij.
Personi në foto është Jashar Spaho, 70-vjeç, nga fshati Pilur i Devollit, i cili ka humbur kontaktet me familjarët e tij që prej datës 28 qershor.
Sipas familjarëve, 70-vjeçari ishte nisur për të shkuar në Korçë dhe nga kontaktet që kanë pasur me të njohur ju është thënë se e kanë parë për herë të fundit në afërsi të terminalit të autobusëve.
Familjarët rastin e kanë denoncuar në komisariatin e Devollit, e gjithashtu të Tiranës, pasi kanë dyshime se ai mund të ketë lëvizur drejt kryeqytetit.
Ata sqarojnë se 70-vjeçari nuk vuan nga probleme të shëndetit mendor dhe këtë veprim nuk e ka bërë asnjëherë më parë por kohët e fundit ka qenë shumë i shqetësuar për vëllanë e tij të sëmurë.
Kush ka informacion se ku ndodhet ai, mund të kontaktojë familjarët në numrat e telefonit 0696450216 dhe 0689356925.
Çdo informacion mund të jetë i vlefshëm për gjetjen e 70-vjeçarit dhe ribashkimin e tij me familjen që po e kërkon.
Komente
