Delvinë- Në gjendje të rënduar psikologjike, një 68-vjeçare nga Delvina i ka dhënë fund jetës duke u vetëhelmuar me fostoksinë. Por pas aktit të rëndë të vetëflijimit fshihet një histori e trishtë. E moshuara Hano Kullai, banore e fshatit Vergo, bashkia Delvinë prej tre vitesh vuante nga depresioni pasi nuk e kishte përballuar dot humbjen e së bijës. Mbrëmjen e së mërkurës ajo ka pritur të takojë nipërit e më pas ka zgjedhur t’i japë fund jetës.
Gruaja është gjetur pa shenja jete nga i biri dhe është transportuar me urgjencë drejt spitalit të Sarandës mbrëmë vonë, por sot mjekët kanë vendosur ta transportojnë drejt Tiranës. Rrugës për në kryeqytet, siç konfirmon policia, e moshuara ka ndërruar jetë.
Burime nga grupi i hetimit në Komisariatin e Policisë në Delvinë bëjnë me dije se edhe herë të tjera 68 vjeçarja ka tentuar t’i jepte fund jetës.
Komente
