Sot po zhvillohet në sheshin Nënë Tereza parada ushtarake në kuadër të stërvitjes “Albanian Lion 2018”. Për rreth 3 javë Forcat e Armatosura të Shqipërisë, Britanisë, Kosovës dhe Kroacisë po përdorin bazat më të mëdha ushtarake shqiptare, në stërvitjen më të madhe ndërkombëtare që zhvillohet në vendin tonë.
Rreth 1200 trupa dhe dhjetëra mjete, tokësore, ajrore dhe detare janë angazhuar në stërvitjen “Albanian Lion 2018”, e cila do të zhvillohet deri më datë 30 shtator. Për herë të parë në këtë stërvitje, e cila zhvillohet çdo vit në vendin tonë, merr pjesë edhe një kontingjent nga Forca e Sigurisë së Kosovës.
Përgatitja e terrenit dhe lëvizja e mjeteve dhe trupave ka filluar që më datë 9 shtator, duke shfrytëzuar bazat më të rëndësishme ushtarake të Shqipërisë, që nga bazat detare të Kepit të Palit, Pashalimanit, Porto Palermos, gadishullin e Karaburunit, bazat ajrore të Rinasit e Farkës, garnizonin e Zall-Herrit, si dhe rajonin stërvitor të Bizës.
Komente
Nuk ka ma si ushtrija e PPSH-se.. LAVDI PPSH!!
Përgjigju