Një 55-vjeçare ka përfunduar në spitalin e Korçës, me këmbë të thyer, pasi është dhunuar nga bashkëshorti i saj. Sipas burimeve nga spitali për gazetarin Armand Braho, pasi në polici më parë nuk është bërë kallëzim, bashkëshorti i 55-vjeçares e ka dhunuar këtë të fundit dhe e ka hedhur nga shkallët.
Si ngjarje ka ndodhur ditë më parë, por vetëm mëngjesin e sotëm gruaja ka mundur të marrë mjekim në spital.
Menjëherë pas mbërritjes në spital janë lajmëruar edhe uniformat blu që do të bëjnë të mundur marrjen e dëshmisë nga e dhunuara dhe më pas shoqërimin në komisariat të bashkëshortit të saj i cili ka ushtruar dhunë edhe herë të tjera ndaj bashkëshortes.
Sipas policisë burri pasi është shoqëruar në polici, po hetohet në gjendje të lirë. Ajo pretendon se është dhunuar para 7 ditësh prej tij.
