LEZHË- Drejtori i filialit të Postës Shqiptare në Lezhë, Pjerin Çuku është dhunuar mbrëmjen e kësaj të hëne nga 2 persona ende të paidentifikuar.
Gazetari i Report Tv, Elvis Hila bën me dije se ngjarja ka ndodhur në lagjen Gurra të Lezhës rreth orës 16:35.
Ai është dërguar në spital për ndihmë mjekësore, teksa mbeten të paqarta motivet.
"Sot, më datë 26.12.2022, rreth orës 16:35, në lagjen "Gurra", Lezhë, dy persona janë konfliktuar me grushte me shtetasin P. Ç., 42 vjeç, banues në Lezhë, me detyrë drejtor i Postës Shqiptare, dega Lezhë dhe më pas janë larguar me vrap.
Grupi hetimor nën drejtimin e Prokurorisë po punon për zbardhjen e motiveve të ngjarjes, identifikimin dhe kapjen e autorëve", njofton Policia.
Kjo është hera e dytë brenda pak kohësh që dhunohet një drejtor në Lezhës. Rasti i kaluar ishte dhunimi i drejtorit të OSHEE Edmir Përndreca.
Komente
Një ndër drejtorët me të mirë të Lezhës. Njeri i thjeshtë dhe shumë punëtorë
PërgjigjuFmija e Sander ndokes me Vincent Tukun po i rrahin se nuk i degjojne me Ndokajt
Përgjigju