GJIROKASTËR- Një e moshuar është dhunuar barbarisht gjatë orëve të vona të mbrëmjes së djeshme në fshatin Palokastër të Gjirokastër.
Me të nxira në kokë e trup, e shtruar në spital,75-vjeçarja Dhespina Qano ka rrëfyer të gjithë skenën se si ka ndodhur, teksa thotë se ka dyshime që autor ka qenë personi që i ka vrarë burrin tre vite më parë.
"Më kanë rrahur. I dhashë vajzës ilaçet dhe telefonit dhe u shtriva, kur u shtriva pash që u hap dera dhe thashë që më doli vajza, por e pashë vajzën te vendi. Pastaj u hap dera prapë dhe më qëlloi. Më qëllonte me forcë të madhe, bau bau sa u mbush shtëpia gjak. I thashë ik se më vrare, ç'të kam bërë, nuk kam gjë që të të jap. Filloi me shqelma. E pashë që rrobat i kishte të ashpra, më qëlloi, thirra fqinjin, i thashë hajde se më vranë. Vajza flinte gjumë. Unë nuk kam hasmëri, vetëm burrin që më kanë vrarë para 3 tjetër. Kanë para dhe kanë mbyllur si çështje. Mirë që s'më therën me thikë", tha e moshuara.
Gazetari i Report Tv, Piro Nase raporton se deri më tani janë shoqëruar në polici 5 persona, mes tyre edhe 2 të dyshuarit kryesor të cilët sipas 75-vjeçares janë autorë të dhunimit. Megjithatë përtej dëshmisë së moshuarës, një pistë e rëndësishme ku janë përqendruar hetimet është mundësia se 75-vjeçarja mund të jetë dhunuar nga vajza e saj e cila vuan nga probleme të shëndetit mendor.
E moshuara e dhunuar Dhespina Qana
Komente
shteti ka marr fund.
Përgjigju