Policia e Kurbinit ka parandaluar një ngjarje kriminale në familje. Në pranga ka rënë një 47-vjeçar, i cili ushtronte dhunë fizike dhe psikologjike ndaj bashkëshortes dhe dispononte armë zjarri pa leje.
47-vjeçari me iniciale A.P., u largua nga banesa sapo pa shërbimet e Policisë, por pas kontrolleve dhe rrethimit të zonës u vetëdorëzua.
"Policia e Kurbinit, pas marrjes së njoftimit se ky shtetas ushtronte dhunë fizike dhe psikologjike ndaj bashkëshortes në banesë, ka ndërhyrë menjëherë duke parandaluar përshkallëzimin e mëtejshëm të dhunës.
Shtetasi A. P., kur ka konstatuar shërbimet e Policisë, është larguar menjëherë nga banesa, por pas kontrolleve të shumta dhe rrethimit të zonës, pas disa orësh u vetëdorëzua te shërbimet e Policisë", thuhet në njoftimin e policisë.
Gjatë kontrollit të ushtruar në banesën e këtij shtetasi, Policia gjeti dhe sekuestroi një armë zjarri pistoletë, me një krehër me fishekë.
Materialet i kaluan Prokurorisë së Rrethit Gjyqësor Kurbin, në ngarkim të shtetasit A. P., për veprat penale “Dhunë në familje” dhe “Armëmbajtje pa leje".
B.K./ReportTv.alKomente
Kriminelet qe dhane Urdher per hapjen e Depove,,pushojne neper Vilat e Lazerit ! Populli ka 30 vjete qe vriten njeri me tjetrin ,Po ashtu dhe nje pjese kryejne keine Si ne kete raste. Dhe askush Ska dalur perpara Drejtesise. ! Shtet rrumpall..
Përgjigju