41-vjeçarja Elisabeta Mita është lënë në burg nga Gjykata e Sarandës. Gjyqtarja Enkeleda Doda ka vendosur masën e 'Arrestit me burg' për Mitën, pasi ndaj saj rëndojnë akuzat e dhunës së vazhdueshme ndaj vajzës së saj 13 vjeçe.
Dhuna psikologjike dhe fizike e 41-vjeçares u publikua në një emision investigativ disa ditë më parë ku më pas ndaj Elisabeta Mitës, nisi hetimi nga prokuri Elidon Hysenaj.
Seanca e masës së sigurisë është zhvilluar me dyer të mbyllura, ndërsa nuk ka qenë askush nga të afërm të të pandehurës në mjediset jashtë gjykatës.
Dhuna e Elisabeta Mitës ndaj vajzës së saj u denoncua nga bashkëjetuesi i 41-vjeçares, Arjan Mekollari.
"Vajza e saj ka deklaruar se dhuna e nënës së saj nuk është e vërtetë ajo gjithmonë është bërë për shkaqe që ish bashkëjetuesi i saj bënte veprime të ndryshme brenda banesës. Acaronte marrëdhëniet mes nënës dhe vajzës për mësimin dhe sjelljet e vajzës në shoqëri dhe me ish bashkëjetuesin. Merkollari ka deklaruar se do të largohet që në shtator po nuk është larguar. Ne do ta apelojmë vendimin e lënies në burg. Dhe do të bëjmë kallëzim penal ndaj Mekollarit për veprime të ndryshme brenda shtëpisë e para vajzës." tha Gjergj Imeraj.
"Klientja ka thënë se videoja është e montuar. Videoja është e montuar nga Merkollari në mënyrë që të rrijë në banesë dhe të përfitojë nga të mirat materiale." është shprehur avokati mbrojtës i Elisabeta Mitës.
Elisabeta Mita duke u shoqëruar nga policia
Komente
