Në takimin e zhvilluar sot mes ministrit të jashtëm Italian Luigi Di Maio, ministrit të jashtëm slloven Anže Logar dhe ministrit të jashtëm kroat Gordan Grlić Radma, u diskutua për zgjerimin në Ballkanin Perëndimor dhe perspektivën e anëtarësimit të shpejtë të Maqedonisë së Veriut dhe Shqipërisë.
Çështja e zgjerimit në Ballkan është në qendër të vëmendjes të Italisë dhe të Bashkimit Evropian, kjo u deklarua nga Ministri i Jashtëm italian, Luigi Di Maio.
"Unë kam vizituar shumë herë këto vende që aspirojnë të anëtarësohen në BE disa herë. Unë takova të rinjtë e tyre dhe ajo që del është se shumë të rinj shikojnë të ardhmen e tyre në BE. Ne duhet të ndihmojnë këta të rinj që të shikojnë me optimizëm të ardhmen e tyre. Shpresa është që të ri zbulojmë një dimension politik në nivel evropian për të rifilluar dialogun për zgjerimin, veçanërisht me Shqipërinë dhe Maqedoninë e Veriut” tha Di Maio.
Ndërkohë që ministri i jashtëm slloven, vendi I të cilit merr presidencën e BE, në 6 muajt të ardhshëm, theksoi se është prioritet i tyre.
”Qëllimi i presidencës sllovene të Bashkimit Evropian, në 6 mujorin e ardhshëm është rifillimi i dialogut politik për zgjerimin me Ballkanin Perëndimor”, deklaroi nga ana e tij ministri i Jashtëm slloven, Anze Logar.
