Mesnatën e sotme përfundon afati për regjistrimin e diasporës për zgjedhjet parlamentare të 11 majit.
Deri më tani, 1 orë larg mbylljes së portës së platformës online, rezultojnë:
Totali i kërkesave: 293,534
Të pranuar: 231,280
Të refuzuar: 41,841
Në shqyrtim e sipër (brenda 5 ditëve marrin përgjigje): 20,329
Zgjedhës që aplikuan vetëm ditën e sotme: 12,615
Numri i të refuzuarve u ul gjatë orëve të fundit me 500 vetë (42,321 ishte në orën 18:30, numri i të refuzuarve, tani është 41,841).
Pasi u njoftuan se nuk do të kishin më shtyrje afati, emigrantët kanë provuar përsëri, duke marrë asistencë telefonike nga KQZ, dhe duke e bërë saktë aplikimin në orët e fundit.
Lista paraprake me emër, mbiemër, qarku ku shkon vota dhe shtet nga vjen zarfi, do të publikohet më datën 9 mars. Vetëm ata që janë në sistem dhe kanë pasaktësi në regjistër, kanë 48 orë kohë të kërkojnë ndryshime.
Lajmi kryesor:
Zgjedhjet/ Në mesnatë mbyllet regjistrimi, s'ka shtyrje afati për diasporën! Debate në KQZ, rrëzohet kërkesa e PD për shtyrje të aplikimeve
K.M/ReportTv.al