Dibër- Një 34-vjeçar i kërkuar dhe dënuar me burg për akuzën e kalimit të paligjshëm të kufirit shtetëror është arrestuar orët e fundit nga Policia e Dibrës, kurse një tjetër bashkëmoshatar i tij u mor nën akuzë në gjendje të lirë për dëmtimin e tubacioneve të vaditjes së një banori në Klos.
Burime zyrtare thanë sot (25 korrik) se shërbimet për Hetimin e Krimeve, prangosën të kërkuarin L.L., 34 vjeç, banues në Bulqizë.
“34-vjeçari ishte shpallur në kërkim pasi Gjykata e Dibrës e ka dënuar me 6 muaj burgim, për veprën penale “kalimi i paligjshëm i kufirit shtetëror”, tha policia vendore.
Kurse Policia e Matit mori nën hetim D.D., 34 vjeç, banues në Klos, pasi me vetëgjygjësi i ka dëmtuar tubin e ujit vaditës, shtetasit D.B.
Për të dyja rastet dosjet iu kaluan prokurorisë vendore për veprime të mëtejshme hetimore dhe proceduriale.
Komente
