Klodeta Dibra, anëtare e Këshillit Bashkiak në Tiranë, e ftuar në studion e Report Tv, ka risjellë në vëmendje premtimet elektorale që PS-ja i ka paraqitur elektoratit për 4 vitet e ardhshme.
"Asnjë shkollë me turn të dytë. Do ndërtojmë tre shkolla të reja si dhe çerdhe për fëmijët. Shndërrimi i piramidës në qendrën teknologjikë me të madhe në vend, si dhe do të përfundojmë punët që kemi lënë përgjysmë në këtë mandat, mbështetja e grave për t'u ngjitur në karrierë", janë disa nga pikat ku mbështet programi elektoral i PS-së për 4 vitet e ardhshme.
Ajo ka komentuar edhe deklaratën e BE-së e cila vë theksin për zhvillimin e zgjedhjeve më 30 qershor. Përballë gazetares Aida Toncica, Dibra tha se nëse vendi synon perspektivën europiane, duhet që të merren parasysh deklarata të tilla nga faktori ndërkombëtar.
"Nëse duam integrimin e BE, duhet ta dëgjojmë. Të gjithë ndërkombëtarët shprehen qartë kundër skenave të dhunë dhe i bëjnë thirrje qytetarëve të dalin në votime dhe të votojnë alternativën më të mirë. Dikush mund të thotë që "s'ka alternativa". Kur nuk je pjesë e lojës nuk ke pse vendos rregullat e lojës. Thirrjet kundër votimeve, bëhen na çojnë hapa pas, në vitet '30", tha Dibra.
Komente
