Dibër- Falë telefonatës së një qytetari, policia e Dibrës ka arrestuar një 53-vjeçar që mbante armë në banesë. Nga kontrolli, ka rezultuar se Hasan Koltraka, 53 vjeç banues në fshatin Arras-Dibër ka pasur në shtëpi një pistoletë TT dhe 93 copë fishekë, të sekuestruara nga policia gjatë arrestimit të tij.
“Arrestimi i tij u bë pasi një qytetar ka telefonuar Policinë se ky shtetas dyshohej se mbante armë zjarri pa leje, ku menjëherë shërbimet e Komisariatit të Policisë Dibër kanë organizuar punën duke ushtruar kontroll në banesën e tij , ku kanë gjetur të fshehur një armë zjarri pistoletë TT, 3 krehra të mbushura me fishekë, dhe një kuti me 44 copë fishekë, gjithësej 65 copë fishekë pistolete. Gjithashtu janë gjetur edhe 28 fishekë arme gjahu. Arma e zjarrit sëbashku me municionin është sekuestruar në cilësinë e provës materiale”,- sqaron policia.
.jpeg)
Foto brenda banesës së dibranit
Materialet proceduriale do ti referohen Prokurorisë Rrethit Gjyqësor Dibër, për veprën penale " Mbajtje pa leje dhe prodhimi i armëve, armëve shpërthyese dhe i municionit".
Komente
