Edhe Al Jazeera i ka kushtuar një artikull vendimit të qeverisë shqiptare për të emëruar një “ministër” të gjeneruar nga Inteligjenca Artificiale, të parin në botë të këtij lloji.
Media citon fjalën e kryeministrit Edi Rama gjatë Asamblesë së PS-së, i cili e prezantoi Diellën si një “anëtare e kabinetit që nuk është e pranishme fizikisht”, dhe e që do të sigurojë se “tenderat publikë të jenë 100% të lirë nga korrupsioni”.
Al Jazeera përmend gjithashtu faktin se Diella u lançua më parë si një asistente virtuale e shërbimit publik e-Albania, dhe ndihmoi përdoruesit të kishin akses në rreth një million dokumente dixhitale.
“Ligjvënësit së shpejti do të votojnë për kabinetin e ri të Ramës, por nuk ishte e qartë nëse ai do të kërkonte votim për postin virtual të Diellës. Ekspertët ligjorë thonë se mund të duhet më shumë punë për të përcaktuar statusin zyrtar të Diellës, e cila përshkruhet në ekran si një grua me një kostum tradicional popullor shqiptar.”, shkruan Al Jazeera.
Më tej, thekson reagimet opozitare, duke përmendur Gazment Bardhin që e cilësoi statusin e Diellës si ministre antikushtuese.
Komente
